Сыбайлас жемқорлық құқық бұзушылықтары туралы хабарлау тәртібі және хабарлаушы тұлғаларды қорғау

Медициналық ұйымда комплаенс мәдениетін нығайту және ашықтық қағидаттарын қалыптастыру мақсатында қызметкерлерге сыбайлас жемқорлық құқық бұзушылықтары туралы хабарлау тәртібі бойынша түсіндіру жұмыстары жүргізілді.

Кездесу барысында құқық бұзушылық белгілері анықталған жағдайда олар туралы белгіленген тәртіппен хабарлау, өтініштерді қарау рәсімі, сондай-ақ хабарлаушы тұлғалардың құқықтары мен заңмен қорғалуы жөнінде ақпарат берілді.

Қызметкерлерге адалдық, жауапкершілік және заң талаптарын сақтау – медициналық ұйымның тиімді қызметі мен қоғам сенімінің негізі екені түсіндірілді.